284               TESTAMENTS ENREGISTRÉS AU PARLEMENT DE PARIS            (524)
riné, s'il ne l'est, par ceulx qui y sont ordenez; ausquelx j'ai desja baillé xl escuz pour celle cause, comme il appert par quictance sur ce faicte.
Item, je vueil, laisse et ordene que .'anuel, qui est ordené à faire à Beauvais et dont damp Jehan Hardi, mon frere, est chargié, soit par­fait , lequel en a ja reçu vint frans.
Item, je vueil, laisse et ordonne que les soixante solz de rente deuz sur la maison du Coq à Beauvais soient vendus au dit damp Jehan Hardi, appellez à ce un ou deux de mes executeurs, pour en faire bien et les distribuer en euvres piteables, selon l'ordonnance de feue Aalez, nostre seur, qui fut femme de Toussains de Lomller, et depuis de Jehan le Gautier, dont Dieu ait les ames, et pour prier pour les ames de defuncte Mabile, mere de ma dicte Compaigne, et pour les maris d'icelle, et aussi pour ycelle mon espouse; et vueil et ordonne que des maintenant le dit damp Jehan Hardi les reçoive pour en faire ce que dit est, jusques à ce qu'ilz soient venduz par l'ordenance de lui et de mes diz executeurs ou des deux d'iceulx.
Item, je vueil et ordonne, que s'il est sceu ou trouvé que aucuns heritages, estans à Caillouel en Beauvoisiz, qui furent à la dicte Ma­bille Hardie, nostre mere, feussent acquiz par elle d'un appellé maistre Oudart d'Abbeville, advocat à Beauvais, qui estpieça trespassez, [qu'ilz] soient venduz, et l'argent distribué en messes et erogué aux povres de Jhesu-Crist Nostre Createur. Et faiz ceste ordenance, pour ce que l'en dit que ia dicte Mabile l'ordonna ainsi estre fait en son testament, combien que depuis son decès je aye fait savoir et enquerir diligem­ment s'il y eut oncques heritages qui feussent du dit maistre Oudart d'Abbeville; mais il n'a point esté sceu ne trouvé, et se mes enfans y mettoient contredit, je vueil et ordonne que les heritages que j'ay ac­quis soient venduz et convertiz à faire ce que dit est.
Item, je vueil el ordonne, que après ce que mon obseque et fune­railles seront faiz, que dedens un mois après soit fait un service à l'eglise de Saint Estienne deBeauvais, cest assavoir, vigiles, messes de Requiem, et toutes les solennitez qui y appartiennent, pour les ames